طفح كيــل القصيـــد اللي نزفتــه وابتدا الموال
................وانـــا لازلت ادور لـك كلامٍ يستـر اوراقـــــي
ادور في مجاهيـــم القـصايـــد مايثيــر البـــال
............عساني لاوصفت اوصف حلاك وأكسر وثاقــــــي
انا لاشفت هالكحل بطرف عينـــك ازيــد هبال
.......... وازيد من الجنون اكثر جنــون وانثر اشواقـــــــــي
دخيلك لا تناظرني تــرى بعض العيــون خبال
............... دخيلك لا تزيـــد الطين بلــه وانت فـ اعماقـي
دخيــل اجمــل عيـــون اللي شقاوتها تهد جبال
.................. دخيلك لا تجنني بها ثم تنــــوي فراقـــــي
دخيل احلى عيون اللي بها سحر وشموخ رجال
........... تخليني معــاهــا ارحــل بعيـــد وتوسع افاقــــــي
دخيل اجمـــل جديلٍ طاح من عالي مثل شلال
............على خصرٍ نحيل وعجــز وصدرٍ كمل الباقــــــي
دخيلك والهـوى لامن تحـــرك ثــم جديلك مال
........... يميل القـــد مع ميل الجديــل ومعـــه خفاقـــــــي
دخيل اجمل حرير اسود سواده فاق اسود شال
.............تخليني على زنــدك انـــام وأغمض احـداقــــي
دخيل الجيـــد والعاتق دخيل النحــر والسلسال
.............دخيل الشفتين اللي تضيــــع هقــــوة الهاقـــــي
دخيل الخال في صدرك دخيل اجمل صدر به خال
............ دخــيل الضمتين ورجفــة الخفاق وعناقـــــــي
دخيل السلسبيل اللي بصدرك والعرق لاســال
...............تخليني وسطـه اغرق ألـين اوصــل لترياقي
وانا لاقلت بغرق بك ابغــرق ماعليها جــدال
..............ابغرق لين يذبحني ضمــاك ويطــفش الساقي
دخيلك يوم انا جيتك وجيت بشيطنة اطفـــال
............... تخليني على الفطــره كـــذا لاتنوي اغراقي
دخيلك لا طفح كيل القصايد مانتهى المــوال
............. تخلـــيني ادور لـــك كـلامٍ يفضح اوراقـــــي
الأربعاء مايو 14, 2008 5:01 am
